رحلة الى سانت كاترين

المواصلات
تبلغ المسافة بالطريق بين دهب و سانت كاترين 113 كم
يتم تقدير وقت السفر بـ 1 ساعة 33 دقيقة.

الاماكن السياحية
- جبل موسي
الاستعداد لصعود جبل موسي إلي قمته لنصل إن شاء الله قبل شروق الشمس، والتمتع بروعة شروق الشمس من ثاني أعلي الامكان في مصر.
نتسلق الجبل اللي ارتفاعه 2500 متر من الساعه 11 مساءْ لمدة 4 ساعات في 8 استراحات علي الجبل اللي مش عاوز يكمل ممكن يستريح في واحده منهم "شاي و نسكافيه و مشروبات سخنه" اسعارهم تقريبا عاديه
تحذير الجو علي القمة في غاية البرودة
و بيبدا التحدي قدامنا حوالي 750 سلمه عشان نوصل للقمه و مش اي سلالم , و فوق هتعيش جو مجربتهوش ابدا في حياتك هتشوف الشمس بتطلع من الفراغ و اجمل اللحظات و عيشه
فيه على مدار صعود الجبـل حوالى 8 استراحــات فـ طريقنـا .. فيها مشـروبات و بطاطين و هنستريح كل فتـرة ) 

يوجد مسجد وكنيسة صغيرين علي القمة حيث يمكننا الراحة والصلاة.
النزول في ساعتين تقريبا بنروح بعدها نزور دير سانت كاترين (أقدم دير في العالم أجمع) و الشجر العتيق و نزور صخره العجل الذهبي
- دير سانت كاترين
دير سانت كاترين شرم الشيخ و متحف دير سانت كاترين دخول متحف الدير(حوالى 25 جنيه)
يقع دير سانت كاترين اليوناني المسيحي الأورثوذوكسي عند سفح جبل سيناء (جبل موسى) ويرتفع بحوالي 1585 مترا عن سطح البحر . ويعتبر هذا الدير أحد أقدم الأديره المسيحيه ، وفي هذا المكان تلاقت الديانات السماويه الثلاث ، الاسلاميه والمسيحية واليهوديه. يتواجد الأن أكثر من 20 راهب بالدير حيث يعيشون هناك ويتعبدون بانتظام . قد تكون مكتبة الدير هى أقدم المكتبات المسيحية الموجوده الى عصرنا الحالى . وتحتوي هذه المكتبه علي أكثر من 6 آلاف مخطوطة بلغات مختلفه منها حوالي ستة آلاف مخطوطه من العالم القديم وبعضها أقدم من الدير نفسه ، انها تضم كم هائل لا يتجاوزه فى الحجم الا مكتبة الفاتيكان.
الكنيسة الرئيسيه (بازيلكا)
تعود الكنيسه الرئيسيه الي القرن السادس الميلادى ، وهى مشهوره بالفسيفساء التى تصور مشهد التجلى للمسيح . والتى ربما تكون هى أقدم فسيفساء تصور هذا المشهد وأحد أجمل الفسيفساء بالكنائس الشرقيه.

- المسجد الفاطمي الموجود داخل الدير والذي يعتبر مزار واثر ديني مهم.
- حمامات فرعون
- عيون مياه كبريتية
التمتع بالمياه الكبريتية الساخنة - صحية ومفيدة- تخرج من احد الكهوف و تصب في البحر، ويمكننا تسلق الجبل الذي يعلو هذا الكهف لأخذ صور رائعة من علي قمته. ..

*يصاحب الرحلة أثناء الصعود والهبوط إلي ومن قمة جبل موسي دليل مرشد متخصص من أهل المنطقة

- حمام عيون موسي بطور سيناء:
يقع شمال مدينة طور سيناء بنحو ثلاثة كيلو متر ويبعد عن شرم الشيخ ١٠٠ كيلو متر ، وتتدفق مياه الحمام
من خمس عيون تصب في حمام على شكل حوض محاط بمبنى من
الدبش، وتستخدم هذه المياه الكبريتية الساخنة (37 درجة مئوية)
شفاء العديد من أمراض الروماتيزم والأمراض الجلدية وامراض العظام
تقدر تروح المكان دا انك ممكن تركب اتوبيس رايح شرم الشيخ من اى مكان وتنزل الطور وتاخذ تاكسى ب ١٠ جنيه
ولو عايز تبات ممكن تبات فى دار العاملين الليله حوالى ١٥٠ جنيه فى الغرفه
رسوم دخول الحمام ١٠ جنيهات
مميزات المكان
١ ) يتميز بان المياه دافئه طوال العام .
٢ ) سهوله الوصول اليه .
٣ ) عبور سيدنا موسى من هذا المكان .
٤ ) يحيط بالحمام واحه كبيره من شجر النخيل المثمر .
٥) يوجد حمام سباحه للأطفال من نفس عيون الحمام .
٦) يوجد مكان لتغير الملابس ويوجد حمام .
٧ ) ساعه لدخول الرجال سوياً وساعه لدخول النساء واذا كان لا يوجد كثير من الزوار يسمح للاسره الدخول مع بعضها
٨) يوجد كافتريا اعلى الجبل الذى يوجد فيه الحمام حيث منظر ولا اروع .
٩) يوجد تجسيم اعلى الجبل ايضا ليمثل فيه الست البدويه التى كانت تشهد قصه سيدنا موسى
عيوب هذا المكان
لا بوجد به اهتمام من قبل الدوله ولا حتى التسويق له
وأخيرا المكان تحفه جدا لكل الناس اللى بتفكر تروحوا ومش هتندموا نهائى
سبحان الله تخرج المياه من بطن الجبل
وعيون حمام موسى هى التى ذكرت فى القرآن الكريم
بسم الله الرحمن الرحيم : وَإِذِ اسْتَسْقَىٰ مُوسَىٰ لِقَوْمِهِ فَقُلْنَا اضْرِبْ بِعَصَاكَ الْحَجَرَ ۖ فَانْفَجَرَتْ مِنْهُ اثْنَتَا عَشْرَةَ عَيْنًا ۖ قَدْ عَلِمَ كُلُّ أُنَاسٍ مَشْرَبَهُمْ ۖ كُلُوا وَاشْرَبُوا مِنْ رِزْقِ اللَّهِ وَلَا تَعْثَوْا فِي الْأَرْضِ مُفْسِدِينَ صدق الله العظيم

- بئر النبي موسي
وفقا للمتوارث عليه يعتقد أن هذا البئر هو البئر الذى قابل عنده النبى موسى بنات النبى يثرون .

- شجرة العليقه المحترقه
هى العليقه التى يعتقد أن الله قد تكلم عندها الى النبى موسى وفقا لرواية الكتاب المقدس ، ان شجرة العليقه مازالت حيه ومازالت تزهر منذ عهد النبى موسى وحتى الأن

معلومات مهمه الأول فى فرق ما بين جبل موسى و جبل سانت كاترين

الناس أغلبها بتقول سانت كاترين و بيطلعوا جبل موسى ...
١- جبل سانت كاترين أو جبل الطور يختلف عن جبل موسي بالتالي :
- اعلي جبل بمصر فعليا يبلغ ارتفاعه 2.629 م فوق سطح البحر .
- اطول وقت بساعه طلوع و ساعه نزول يعنى مده التسلق ما بين 6 الى 8 ساعات ... بالنسبه لشخص اول مره يتسلق جبل .
- ممهد اكتر من موسي "مفيش سلالم*"
- مفهوش الاستراحات الجاهزه اللي علي جبل موسي , لكن الجبلين مفهومش حمامات !! يعنى حلكوا الوحيد squat .
- وجود جمل يشيل الشنط أو الميه حاجه مهمه .
- جبل موسي ملوش تصاريح و ممكن تطلعه عادي كده
- جبل كاترين لازم تصاريح .. ليس إلا انه مش سهل حفظ طريقه فلازم يكون معاك بدوي دليل ليك .
- لو أول مره تسافروا تسلق لازم تطلعوا مع مجموعه فاهمه يعنى ايه تسلق مش الرحلات اللى يتجمع ناس و تجرى و ده بيبان من توعيتهم على الأيفينت .
لو أول مره تتسلقوا جربوا تطلعوا كانيونز الأول و بعدها جبل موسى - بلاش جبل كاترين كأول مره !! لان تجربته مش سهله نهائى و خطر لأن مفيش اى اتصالات على الجبلين لكن فى جبل موسى سهل التواصل مع البدو و الأستراحات و غيرها .

يجـب احضـار الآتـى
1- مهم جداً : بطاقة شخصية او جواز السفر و صورة شهادة ميلاد لمن هم دون الـ 16 سنة
2- ملابس ثقيلة جداً للجبل ( درجـة الحرارة فوق الجبل تحت الصفـر )
اللبس ؟؟
أول طبقه على جسمك يفضل تكون لبس حرارى و أبعدوا عن القطن نهائى على الجسم على طول .
ما تلبيس من و انتى تحت الجبل لبسك كله - تقلى واحده واحده لما تحسى بالجو يبرد و انتى طالعه عشان جسمك مايخدش على الحراره من تحت .
3- سكارف عشان التراب - جوانتي ( يفضل جلد ) - ايس كاب - شراب صوف
4- حذاء رياضي
5- ملابس رياضية - او ملابس واسعة و مريحة
6- شيكولاته او تمر (بلح) و ممكن power bars هتلاقوها فى اى سوبر ماركت , و حاليا انا بفضل البروتين بار و دى هتلاقوها من عند امتنان .هتديك طاقة وانت طالع الجبل في البرد
حـاول وانت بتجيب معاك هدوم تجيب هدوم صيفى و شتوى و جليدى ..
الصبح مثلاً حر .. و هننزل البحـر .. فوق جبل سانت كاترين تلج .. وانت نازل من الجبل حر .. طابـا ما بين البينين .. كده يعنـى ..
7- - كشاف مشحون و بطاريه احتياطي ليه " مهم " لطلوع الجبل . خصوصا لو ليله غير قمريه .
8- شنطة للظهر خفيفة.
9 - وجبة صغيرة للعشاء قبل صعود الجبل
10 - ترمس صغير بة مشروب ساخن
11 - الاكـــــــــل طبعا
12- لو حد ضغطه بيوطى يبقى مخلل زيتون معاكى تاكليه فى الطريق هيفوقك .
13- لبان علشان ضغط الجو
14- ازازه مياه . طول ما طالعين عالجبل شويه مياه ف شويه مياه علشان الجفاف .
15- فازلين ، بطريقه معينه بيتحط حوالين الانف ييحمي من برد .
16- مناديل مبلله wipes
17- اي كريم مرطب للايدين صغير علشان مياخدش مساحه.
18 جوانتي و ايس كاب و كوفيه .. فى اوقات البرد .
19- شنظه ضهر تكون حركتك سهله فيها .
20- زبده كاكاو مهمه جدا علشان شفايف بتتحرق من حراره البرد .
21- صفاره للطوارئ , و دى لغه حوار حلوه للمسافات مع الناس اللى انتى طالعه معاهم .. يعنى صفارتين " أنا فى خطر " صفاره طويله " انا تعبانه " ... ألخ ... دى حاجه بتتفقوا عليها قبل ما تطلعوا .

22- صن بلوك عشان وانتوا نازلين من الجبل الشمس بتبقى فى وشك نار تقريبا

ايه انسب وقت للتسلق ؟؟ 
" يوم مشمس و حركه الرياح تكون متزنه "
الخريف و الربيع و الشتا .. أبعدوا عن الصيف نهائي .
عشان تحددوا اليوم مناسب و لا لأ تقدروا تدخلوا على اى ابليكيشن بيحدد الجو و بيحدد الأنشطه اللى تقدروا تعملوها فى المكان و الوقت اللى بتحددوه

ويكون اخر يوم فى الرحلة قبل السفر مباشرتا لانك مش هتقدر تمشي تانى بعدها هتبقى محتاج ترتاح كام يوم لانك مش هتبقى حاسس برجلك اصلا

التجهيزات الجسديه

فى فرق ما بين انك بتروحى الجيم و تمارين ال fitness و تمارين تقويه عضله السمانه و دى اهم واحده للتسلق .
تمارين يوجا بسيطه قبل ما تطلعى الجبل بأسبوع يوميا و اطلعى و انزلى سلالم كل يوم لمده طويله .
لو عندك مشاكل فى القلب و الضغط - أطلعى بس لو تعبتى على بسيط فى الطريق ريحي و متكمليش و متنزليش على طول .

لو حابة تطلعي وانت مرتاحة نوعا ما، حاولي تتمرني قبل الرحلة، حتى لو قبلها بأسبوع.
شنطة ضهركً تكون خفيفة.
متلبسيش كل اللبس من تحت الجبل، اوصلي لنص الجبل وزودي قطعة، وقبل السلالم اللي في الآخر البسي قطعة كمان.
متقعديش في كل الاستراحات على قد ما تقدري (حسب الجروب طبعا) ولما تقعدي في استراحة، متتدفيش ببطانية، لأنك هتبردي أكتر لما تسيبي الاستراحة وتكملي طلوع الجبل.
الجو مش اسكيمو، طول ما أنت لابسة كويس، متقلقيش.  👍🏼
الدنيا هناك أمان، واتفقي أنت والجروب على كلمة تقولوها لو حد محتاج حاجة

البوست ده فى معلومات جبتها من الفيس بوك ومعلومات ضفتها عليه من واقع تجربتى

رحلة سعيدة

Dalia Fathalla

تابعونى على الانستجرام 

Dalia.Fathalla

او على صفحة الفيس بوك

Gallery Dalia