الفاكهة فى ماليزيا

طبعا بماننا فى ماليزيا ﻻزم نجرب الفاكهة الغربية بتاعتهم 
عندهم انواع فاكهة مختلفة تماما عن عندنا فى مصر
اول نوع عجيب غريب اسمو Chiku دى لونها بنى ومن جوه بنى برضه وفيها بذر
احسن اختيار فيها الطرية مش الناشفة ﻻنها بتكون مسكرة وطعمها احلى 

تانى نوع star fruit 
دى بقى ناخد اللى لونها اصفر ﻻن طعمها بيبقى احلى ومسكر انما الخضراء دى مرة ومش بتصفر يعنى 

تالت نوع dragon fruit 
دى منها نوعين واحدة قلبها من جوه ابيض والتانية قلبها من جوه احمر 
اللى من جوه احمر اﻻحلى 

رابع نوع  passion fruit 
دى شبه البرتقال كده فى الشكل الخارجى وفيها مزازة البرتقال وجواها بذور خضراء بتتبلع عادى يعنى 

الخامسة بقى دى عندنا منها بس فى ماليزيا احلى وهى اﻻناناس دى تجيب منها اللى لون قشرتها اصفر بتبقى مسكرة ومستوية عن الخضراء او تجيب الخضراء وتسيبها فترة فتستوى وتتحول للاصفر 
فى ماليزيا  سعرها ارخص بكتير عن  فى مصر  الوسط عاملة تقريبا 1.59 رنجت 

Coconut water 
دى فاكهة بتتشرب المية بتاعتها عبارة عن ميه جوز هند 
الفرق بينها وبين جوز الهند بتاعنا البنى ان البنى لبن جوز هند انما دى ميه جوز هند
سعرها فى ماليزيا مابين 4 و 5 رنجت 

Durain 

للاسف مجربتهاش فى ماليزيا لان مكنش الموسم بتاعها لما سافرت 
بس لاحظت ان كل الاوتيلات بتمنع وجودها داخل الاوضة ولما سالت قالولى انها لما بتقع على الفرش بتخلى لونو اصفر ومش بينضف 
هتلاقى العلامة دى جنب علامة ممنوع التدخين 

ماليزيا فيها المشتريات من الفاكهة بالقطعة وبالكيلو طبعا عادى بس نقدر نشترى الفاكهة اللى عاوزنها بالقطعة