الانتقالات فى اوروبا بالأوتوبيس

السفر لاوروبا  ✈

- لو اى حد مسافر اوروبا وحابب يتفسح فى كذا بلد بس ميصرفش كتير فى طريقة ممكن تسافر بيها 5 دول فى اوروبا ب 100 يورو يعني حوالى 2100 مصرى

- اللى سافر قبل كده او اللى مسافرش اوروبا فى شركة transportation مشهورة جدا اسمها flixbus دي شركة اتوبيسات بتتنقل بين دول اوروبا كلها ..انت بتحجز التيكت من على الموقع بتاعهم او الابليكيشن و بتدفع اونلاين و التيكيت بيتبعتلك على الميل بتاعك بس الفكرة ان التيكت من بلد لبلد سعرة غالى يعني مثلا انك تسافر من باريس ل برشلونة التيكت بحوالى 60 يورو وانك تسافر من برشلونة ل امستردام برضة هتدفع حوالى 60 يورو

- ازاى بقى تسافر 5 دول ب 100 يورو بس

 - فى حاجه اسمها interflix  ودي انت بتدخل على موقع flixbus بتختار interflix بتشترى voucher ب 99 يورو و بتدفع تمنة اونلاين...  بعد كده بيتبعتلك على الميل رقم ال voucher بتاعك اللى انت اشتريته (الvoucher ده بيديك 5 رحلات لاي بلد انت عايز تسافرها الرحلة الواحدة ب 20 يورو)

- كل مرة عايز تحجز فيها بتدخل من خلال الابليكيشن بتاعهم تختار البلد و اليوم و الميعاد المناسب ليك و تحجز و تيجي عند الدفع بيكون مكتوب ثمن الرحلة الحقيقي -مثلا 60يورو- بتدخل رقم الvoucher بتاعك بيخلى ثمن الرحلة زيرو يورو و مجرد ما تحجز بينقص من الvoucher بتاعك رحلة لحد ما تستخدم ال 5 رحلات

- ده اللينك اللى بتشتري من عليه ال voucher

https://interflix.flixbus.com/

- وده لينك الابليكيشن نفسه

https://www.flixbus.com/service/bus-app