اكيد واحنا مسافرين بنبقى عاوزين نبقى على اتصال باهلنا وشغلنا
يبقى لازم نعمل التجوال قبل السفر بيومين على الاقل
لو خطك فودافون فالموضوع بسيط جدا هتكتب الكود ده الدنيا هتشتغل معاك فورى
#5*888*
لو خط اورنج هتتصل بيهم على رقم 110 وبعد كده تضغط رقم 5 ثم رقم 0 هيرد
عليك حد من خدمة العملاء تطلب تشغيل خدمة التجوال بتاخدلها حوالى ساعة وتشتغل
وبتضطر تتصل بيهم تانى تتأكد لان مش بييجى رسالة او اى حاجة تقول ان الخدمة اشتغلت
لازم لازم لازم تعرف من شركة الاتصالات الاتى :-
1- ارخص شبكة ممكن تشتغل عليها وانت فى البلد اللى مسافر ليها لان لو سبت
الموبيل يلقط من اى شبكة اوتوماتيك هتلاقى نفسك خسران كتير
2- سعر الدقيقة ارسال واستقبال لمصر
3- سعر الرسالة ارسال واستقبال
4- سعر الدقيقة لو كلمت نمرة من جوه البلد اللى مسافر ليها
5- سعر اﻻنترنت قد ايه واﻻفضل نشترى خط من البلد اللى مسافر ليها يبقى نت بس هيبقى ارخص كتير علينا من لو عملنا نت تجوال
طبعا لان كل حاجة بفلوس حتى الرسائل اللى بتستقبلها يبقى
الافضل قبل السفر شهرين مثلا تتصل بشركة الاتصالات الخاصة بيك وتطلب منهم يلغوا
الرسائل الاخبارية اللى بتجلنا كل شوية على الموبيل
واخيرا بقى دى طريقة ازاى تشغل الخط بتاعك على الشبكة اللى قالتك عليها
شركة الاتصالات بتاعتك
طبعا هنا هتلاقى كل شركات الاتصالات فى الدولة اللى مسافر ليها تختار منهم بقى الشبكة اللى قالولك عليها الارخص
ليست هناك تعليقات:
إرسال تعليق