أولا تأشيرة دبي :
==========
* بالنسبة للمقيمين فى مصر
--------------------------
متطلبات التأشيرة
----------------
تأشيرة دبى (الإمارات) تعتبر من أسهل التأشيرات من حيث المتطلبات
كل المطلوب هو
1- صورة من الباسبور
2- صورة شخصية
3- إسم الأم (بياخدوا بس اسم الأم علشان تشابه الأسماء بيعمل )
ملحوظة مهمة : التاشيرة ضلاحيتها 90 يوم يعنى اعملها قبل السفر
بشهر مثلا مش اعملها بدرى جدا وتخلص صلاحيتها قبل ما اسافر
فى 3 طريق لإستخراج تأشيرة دبى
الطريقة الأولى: عن طريق شركة سياحة
فى شركات سياحة كتير بتعمل التأشيرة و بتاخد من يومين لأسبوع
بعض الشركات بتطلب تأمين مسترد لو كان المؤهل متوسط أو أقل
شركات السياحة بتطلع تأشيرة فقط من غير ما تكون ملزم بحجز فندق أو
طيران من خلالهم
بعض الشركات مش بتطلب تأمين لكن بتاخد سعر أكبر
فلازم تسأل فى أكتر من شركة لحد ما تلاقى شركة من غير تأمين
الطريقة التانية : عن طريق شركات الطيران الإماراتية
فى الحالة دى لازم بتحجز ذهاب و عودة مؤكدين من خلال خطوط الطيران
اللى عملت لك التأشيرة
1- الإماراتية
https://www.emirates.com/ae/arabic/before-you-fly/visa-passport-information/prearranged-uae-visas.aspx
2- الإتحاد
و بتنزل أبوظبى و بتنقلك بالباص الخاص بالشركة إلى دبى
https://www.ttsuaevisas.com/en/global/visa-fees/
3- العربية
و بتنزل الشارقة و بتنقلك بالباص إلى دبى
العربية بتطلب تأمين 10 آلاف جنيه تسترده بعد العودة
http://www.airarabia.com/en/uae-visa
4- فلاى دبى
و مقرها دبى - فلاى دبى بتطلع من إسكندرية فقط
و بتطلب تأمين مسترد و تعفى منه فى حالة وجود فيزا أمريكا أو شنجن
أو إنجلترا خلال الخمس سنين السابقة
فلاى دبى ماعندهاش خدمة التقديم على الفيزا أون لاين للأسف لازم
تطلع من مكتب من مكاتبهم
https://www.flydubai.com/ar/plan/visas-and-passports/uae-visas
الطريقة التالتة : عن طريق قريب أو صديق فى دبى
لو لك صديق أو قريب فى دبى ممكن يعمل لك تأشيرة زيارة من هناك و
يبعتهالك
الناس اللى معاها إقامات فى الخليج بيقدموا على التأشيرة أون لاين
https://www.gdrfa.ae/GCCIND/gccLogin.do?userAction=switchToArabic
الـتأشيرة بتكون ألكترونية يعنى ورقة مطبوعة مش إستيكر فى الباسبور
مدة و صلاحية التأشيرة
تأشيرة قصيرة 30 يوم دخول مرة واحدة
تأشيرة قصيرة 30 يوم دخول متعدد
تأشيرة طويلة 90 يوم دخول مرة واحدة
تأشيرة طويلة 90 يوم دخول متعدد
و فى فيزا ترانزيت مدتها 96 ساعة و صلاحية 14 يوم دخول واحد
تكلفتها حوالى 50 دولار
كل نوع له سعر مختلف لكن أكتر نوعين منتشرين هم الـ 30 و 90 يوم
دخول مرة واحدة
الـ 90 يوم دخول متعدد لا يتم منحها من أول مرة .... لازم يكون فى
سفريات متعددة سابقة لدبى
صلاحية التأشيرة 60 يوم من تاريخ الإصدار المكتوب على التأشيرة
تقدر تدخل أى يوم خلال فترة الصلاحية بشرط الإلتزام بفترة الإقامة سواء 30 أو 90
يوم
سعر التأشيرة الـ 30 يوم دخول مرة واحدة بيتراوح من 350 لـ 400
درهم
سعر التأشيرة الـ 90 يوم دخول مرة واحدة بيتراوح بين 1050 لـ 1200
درهم
و للتأكد من سلامة التأشيرة من على موقع الحكومة الألكترونية
https://www.ednrd.ae/portal/pls/portal/inimm_db.dbpk_visavalidity.query_visavalidity
االتاشيره بتتبعت عن طريق الايميل برده عباره عن ورقه فيها زي بار
كود في مطار دبي بيكون عندهم الأصل
ماينفعش تكسر ال 30 يوم داخل دبي ,كسر اليوم بي 200 درهم لكل يوم
زياده بيدفعه في المطار وانت مسافر
* بالنسبة للمقيمين فى دول مجلس التعاون
---------------------------------------
بيطلعوها أون لاين من الموقع ده
https://www.gdrfa.ae/GCCIND/gccLogin.do?userAction=switchToArabic
مدة إستخراج التأشيرة من يومين لأسبوع ممكن أكتر لو التقديم أول
مرة
التذكرة الى دبي :
============
- كل ما تحجز بدري كل ما يكون ارخص.
- تيرمنال 1 الي تنزل فيه كل الخطوط العربيه و العالمية عدا
الطيران الاقتصادي
( تيرمنال 2 ) و طيران الامارات ( تيرمنال 3 )
- الاتحاد بتنزلك ترانزيت ابو ظبي وبتاخدلك باص لدبي
- فلاي دبي اللي بتروح من برج العرب بتنزل في تيرمينال 2 في مطار
دبي هتضطر تاخد تاكسي علي ما تروح لاقرب محطه مترو
- العربيه بتوديك الشارقه
تتوفر خدمة الحافلة المجانية ما بين مباني المسافرين 1، 2 و3 على
مدار الساعة. يرجى اتباع اللوحات الإرشادية أو الاستفسار من أحد أفراد خدمة
العملاء.
علما بأن خط المترو الأحمر هو الذي يمر من مطار دبي مبنى 1، و 3.
أما ان كنت تريد الخط الأخضر فالأفود أن تأخذ سيارة أجرة الى أحد محطات مترو الخط
الأخضر حيث أنا قريبة من المبنى 2، مثل محطة القيادة.
- ترمينال 1 وهناك المترو
تاخذ المسار الاحمر الى محطة جبل علي وتنزل في محطة مترو شرف دي جي
اقرب شي الى منطقة البرشا
فى مطار دبى
========
لو معاك ماستر كارد بلاتتيوم بيسمح لك تستعمل قاعه مرحبا فى
الانتظار..
فيها واى فاى و كراسى فوتييه مرييحه و لاب توب و بوفييه و مشروبات
و غرف تبديل
فى مطارات كتير بيكون فيها قاعات ممكن تدخلها بكروت معينه
وقت السفر
========
البلد حر شتاء وحر جدا وفرهده صيفا بس غاليه جدا شتاء ورخيصه جدا
صيفا
من أول أكتوبر لابريل الجو زي الفل، حر طبعا بس كل ما قربت علي شهر
11 و12 و هتلاقي الجو مش رطوبة وينفع تتمشى فالشارع زي البني ادمين عادي بس الفتره
دي اكتر فتره الناس بتيجي فيها البلد هنا وبالتالي الفنادق واي أماكن عايز تقيم
فيها بتغلى كتير وكمان مهرجان التسوق بيبدأ في أول يناير مع رأس السنه بتلاقي
الأسعار بقت مجنونه والشوارع والأماكن كلها مليانه ناس.
اما بقي الفتره ما بين مايو لسبتمبر، فا الجو جميل جميل جميل ،
البلد فاضيه عشان الناس طفشانه منها تصيف في حته تانيه وحرفيا الناس كلها بره
البلد، عشان كده هتلاقي الفنادق رخيصه، السكن لو عايز تأجر ارخص، عندك مهرجان
الصيف للتسوق شغال من يوليو لنص أغسطس هيسليك لأن بيبقي فيه عروض في كل حته كمان
مش للشراء بس، لكن الشهرين دول بيبقوا أقل مبيعات في كل حته عشان كده بيعملوا عروض
كتير عشان البلد فاضيه.
فنادق دبي :
=========
فنادق الشارقه رخيصة جدا بعيدا عن فترة رأس السنه
- احسن منطقه في وسط دبي هي ديره وبر دبي
برشا منطقه كويسه جدا بس بعيده عن اغلب الأماكن عدا جميره
- الارخص خارج دبى فى الشارقه وديره
- ولو جوا دبى منطقه البرشاء موقعها كويس ورخيصة نسبيا وقريبه من
مول الإمارات ومحطه مترو شرف دى جى
فى هناك فندق city stay وفى Rose
garden
بس اقل غرفه هناك ب ١١٠$ فى الليله من غير افطار
غير انك هتدفعى ضريبه تانيه للفندق اول ما توصلى اسمها Tourism
Dirham tax
تقريبا ١٥ درهم لليله للغرفه
City
stay فاتح تحته كشرى ابو طارق
رحلات دبي :
=========
للاستفادة من أفضل العروض، اعتمد على مواقع للتسوق الإلكتروني في
دولة الإمارات، ويقدم لمشتركيه قسائم تخفيضات يومية عن طريق البريد الإلكتروني أو
مواقع التواصل الاجتماعي المختلفة، وتركز عروضه على المطاعم والمتاجر والخدمات
والفعاليات المختلفة في المدينة.
موقع جروبون https://www.groupon.ae
موقع كوبون https://www.cobone.com
كيف تشتري من موقع كوبون
https://www.cobone.com/ar/static/how-to-buy
---------------------------------------------------------------------
مجلة The Entertainer
احصل على نسخة من مجلة The Entertainer، وهي مجلة منتشرة في العديد من البلدان ومنها دبي، وتقدم عروض
وخصومات على المعالم السياحية والمطاعم والنوادي والحدائق والفنادق، ومنافذ بيع
المجلة ستجدها في المحال والأسواق والمكتبات كما يمكنك الحصول على نسخة إلكترونية.
-------------------------------------------------------------------------
الساعة السعيدة
احرص على الاستفادة من الساعة السعيدة، وهي عبارة عن ساعة يقدم
فيها عروض وخصومات تصل لـ 25% في الفنادق والمطاعم على جميع المأكولات والمشروبات،
ولهذا عليك اغتنام هذه الفرصة بمعرفة ساعة السعادة الخاصة بالمكان الذي ستذهب إليه
لتتمتع بأفضل خصم.
---------------------------------------------------------------------------
- ممكن جدا تنزل في أحد الفنادق اللى الشارقه سعرها بيكون أقل
بكتير جدا من دبي .. والشارقة قريبه جدا من دبي لكن بشرط أن يكون التحرك بالباص الخاص
ما بين الشارقه ودبي لأن تاكسي الشارقه غير تاكسي دبي والعداد بفتح بي 20 درهم ده
القانون هناك في حالة أن تاكسي الشارقه دخل دبي أو تاكسي دبي دخل الشارقه.
المهم مجرد أن الباص دخلنا دبي ممكن جدا نشتري كارت المترو ونشحنه
بي 20 درهم علشان مش كل شويه نشتري تذاكر
المترو بيلف على كل مكان ممكن الواحد يزورها وهما كالآتي :
-----------------------------------------------------------------------------
- مدينة الثلج وديه مكانها الإمارات مول التذكره 200 درهم للفرد
طول اليوم ليها بدل وملابس وجزم خاصه يتم استلامها هناك نظرا لانخفاض درجة
الحراره. . بالداخل في تلفريك زي جو أوروبا بالظابط وبعض العاب التزحلق للكبار
وللصغار.
-ثالثا : مول ابن بطوطه مبني ومقسم بحيث يكون كل جزء يمثل بلد شكل
(مصر و الهند و ماليزيا و .......الخ) , لطيف واسعاره أرخص كتير من أي مول تانى
وموجود في محطة ابن بطوطه بالمترو.
-من احلى المولات طبعا و اللي لا يفوت مول أطلنطس في جزيرة النخلة
و المترو بيوصلك لحد هناك .
Dubai
parks and resorts-
ده مكان بيجمع أماكن العاب شهيره زي ديزني (بس اكيد مش ديزني) من
ضمنها Legoland و Legoland Aquapark واسمع ان ديه حلوه قوي، Bollywood والي اعرفه انها كلها
حاجات ليها علاقه بالهند واخيرا MotionGate ودي park
الpark شبه ديزني علي مصغر وبرضه مش ديزني بس
الموود العام حلو والpark حلوه.
الpark مقسمه لكذا جزء باسامي الشركات المنتجه
لاشهر الافلام زي Dreamworks الي فيها العاب للافلام Shrek و how to train your dragon و Madagascar وفيها Lionsgate الي الجزء بتعها كله The Hunger games 😍
فيه كمان جزء عباره عن Smurfs village بس بالعابه وفيه كمان كذا لعبه ومكان علي شكل افلام زي Cloudy
with chances of meatballs و Hotel Transylvania
الpark فاتحه من 11 الصبح ل10 بليل وسعر التذكره
165 درهم وعشان تروح البارك يا بتاخد الباص بتاعهم من الفندق عندك لو ده متوفر أو
بتاخد المترو لحد آخر محطه UAE Exchange وتركب تاكسي لحد هناك
هيكلفك 35 درهم (يفضل تروح مع حد عشان تقسموا التكلفه)
لوعايش هنا ممكن تجيب التذكره السنويه الي بتدخلك كل الparks في أي وقت وتقريبا ب500 درهم او اكتر شويه وعيش.
- دبي مول
- النافورة الراقصة وهى في الحقيقه ممتعه خاصة لو اشتغلت على اغاني
عربيه وديه مكانها في دبي مول ملهاش تذاكر وبتشتغل كل نصف ساعه.
- اكواريوم دبي متاح للزيارة كافة أيام الأسبوع من الساعة 10:00
صباحاً حتى الساعة 23:00 مساءً تذكرته بحوالي 120 درهم
https://thedubaiaquarium.com/en/Visitus/TicketInformation.aspx
- برج خليفة أطول مبنى في العالم بس لو عاوز تطلع فوق لازم تحجز
التذكرة اون لاين قبل بفتره لأنك بتحدد وقت معين في اليوم و أنصحكم بوقت الغروب .
يتيح لك الذهاب إلى الطابق 128 مقابل 100 درهم أي 27 دولار، ومن هناك يمكنك الحصول
على مناظر بانورامية للمدينة والصحراء .http://www.burjkhalifa.ae/en/
ملحوظة :- دبى مول والنافورة الراقصة وبرج خليفة والاكواريوم كلهم
في نفس المكان
* دبي فيستيفال سيتي http://www.dubaifestivalcity.com/
* ميريكال جاردن ( حديقة الزهور ) زيارتها لازم تكون فى النهار أو
قبل أواخر النهار بشويه فيها أجر وانواع ورود ندره تحفه في الحقيقه ويمكن ده
المكان الوحيد اللى صعب الوصول إليه عن طريق المترو لازم تاكسي .
تكلفة الدخول 40
الهاتف +971 [0] 4 422 8902
الموقع الإلكتروني http://www.dubaimiraclegarden.com/
* الامارات مول و سكي دبي
* شاطيء و حديقة الممزر ( في ايام للسيدات فقط و المكان مغلق
يقدروا ينزلوا البحر براحتهم )
* لامير دبي
* سيتي ووك
* جميرا ،jbr
* برج العرب ، كايت بيتش
* اتلانتس ووتر بارك، عروض الدلافين https://www.atlantisthepalm.com/
* سكاي دايفينج http://www.skydivedubai.ae/
* دبي مارينا ، ممكن تروحها بالفيري بتبقى رحلة ممتعة
* القرية العالمية ( ليها مواعيد معينة في السنة )
* حديقة الفراشات
* جلو جاردن
فلاي بورد (300 درهم لمدة 30 دقيقه)
http://www.flyboards-uae.com/
* دبى cannel قريبة من دبى مول
- فيراري ورد (235 درهم) ابحث عن عرض مزدوج
مع فيراري
http://www.ferrariworldabudhabi.com/
- بنجي جامب (339 درهم) تاكد انه موسمه لان
يكون مغلق في غير مواسم الاجازات
http://www.gravityzone.co/
مدينة الشارقة من المدن الثقافية للناس اللي بتحب العلوم و الثقافة
:
* مركز الشارقة لعلوم الفلك و الفضاء (
المكان وهم للي بيحب الحاجات دي و في قبة فلكيه شبة بتاعة اسكندرية )
* مركز الاستكشاف
* حديقة حيوانات الشارقة
* بحيرة خالد
* الكورنيش
مدينة العين مدينة جبلية مفهاش بحر و مميزة بجبالها البركانية :
*جبل حفيت
* المبزرة الخضراء ( حديقة جوه الجبال و فيها عيون مياه كبريتية و
مسابح مغلقة )
* حديقة الحيوانات
* مدينة ألعاب الهيلي
* وادي ادفينشر
* العين مميزة بكثرة الحدائق فيها
العاصمة أبوظبي و أهم الاماكن اللي ممكن تزورها هناك :
* مسجد الشيخ زايد
* متحف اللوفر
* قصر الامارات
* الكاسر و الكورنيش و مارينا مول
* عالم فيراري
* ياس ووتر وورلد (ياس للالعاب المائيه ابو ظبي (225 درهم) ابحث عن
عرض مزدوج مع فيراري ورد)
https://www.yaswaterworld.com/en
* ياس مول
ليست هناك تعليقات:
إرسال تعليق