حماية الشقة اثناء السفر

دلوقتي انا مسافرة وهسيب الشقة مقفولة 
ﻻزم اقوم بتامين الشقة كويس من كل حاجة الحشرات قبل الحرامية وتسريب المية والكهرباء

1-    اول حاجة ﻻزم اروح لشركة المية والكهرباء والغاز والنت 
واقولهم ان الشقة مقفولة عشان ميجيش اللى بيكشف على العداد ويكون العداد جوه الشقة هيحط رقم جزافى وترجع تلاقى فواتير بالهبل 
او يكون ليك جار بن حلال يسرق خط الكهربا وﻻ التليفون من عندك وانت مسافر وتدفع انت فى اﻻخر 

2-    اوقف خط اﻻنترنت بردو

3-    قبل ما امشي ﻻزم ﻻزم اقفل محبس المية والغاز وافصل الكهرباء عن الشقة

4-    ﻻزم ﻻزم اقفل منافذ دخول الصراصير وهى البلاعة واﻻحواض الحمام والمطبخ والتواليت

5-    بالنسبة للتواليت ادلق جواه جاز واقفل قعدة التواليت واحط عليها حاجة تقيلة عشان تمنع دخول فار او عرسة منه

6-    حوض الحمام والمطبخ والبلاعة اقفلهم كويس واحط قطعة قماشة فيها جاز عليهم اسدهم بيها يعنى

7-    ﻻزم اشترى بودرة صراصير وارشها فى كل حتة فى الشقة

8-    واشترى كمان حبوب سامة للفار دى حبوب ليها طعم الجبنة وسامة لو جه فار للشقة لقدر الله واكلها بيموت فورا

9-    ﻻزم افصل التلاجة واطلع اى حاجة جواها وانضفها واسيب الباب بتاعها مفتوح

10-    قبل ما امشي من الشقة اقفل كل اﻻوض عشان لو جه فار وﻻ حاجة ميخشش كل اﻻوض يخرب الدنيا اهو يبوظ بس المكان اللى دخل فيها

11-    طبعا الدوﻻيب كلها تتقفل كويس ومخليش حاجة فى اﻻرض

حاجة مهمة جدا 

12-    لو عندك دهب وﻻ فلوس متسيبيهوش فى الشقة وﻻ تحطيه جوه الفريز زى ما فى ناس بتعمل ﻻﻻﻻﻻ
قومى بتأجير خزينة فى بنك وحطى حاجاتك المهمة فيها احسنك وأامن

13-    بالنسبة للشقة احط كاميرة مراقبة فيها motion detection او جهاز انذار واقول لجيرانى واهلى انى مسافرة يخلوا بالهم من الشقة

14-    اترك عربيتك في جراج امن

15-    قبل السفر بدقائق راجع علي الابواب و المحابس

16-    اتركي حيواناتك عند اقرب جيرانك 

17-    لو عندك زرع فى طرق كتير على اليوتيوب للرى للتنقيط لكن انا لقيت افضل فيديو وفكرة روعة وعمليه جدا

رحلة سعيدة 

Dalia Fathalla

تابعونى على الانستجرام 

Dalia.Fathalla

او على صفحة الفيس بوك

Gallery Dalia